Այսուհետեւ Երեւանում շինհրապարակները կկահավորվեն լուսանկարում ներկայացված դիզայնի պաստառներով։ Ավագանին վերջին նիստերից մեկում համապատասխան որոշում կայացրեց: Այս մասին հայտնում է Երևանի քաղաքապետի մամուլի քարտուղար Հակոբ Կարապետյանը։
«Նոր շինարարություն սկսողներին Երևանի քաղաքապետարանը շինհրապարակի ժամանակավոր ցանկապատի նոր ձևավորում է առաջարկում։ Այս ձևավորումը պարտադիր է օգտագործման համար։
Տպագրության համար համապատասխան ֆայլերը կառուցապատողները կարող են անվճար ներբեռնել Երևանի քաղաքապետարանի պաշտոնական՝ yerevan.am կայքի «Քաղաքաշինություն» բաժնից»,-նշվում է հայտարարության մեջ։
![](https://iravaban.net/wp-content/uploads/2021/03/155982340_10221117710398128_9158006098578296434_o.jpg)