«Խոսրովի անտառ» պետական արգելոց ՊՈԱԿ-ը հայտարարում է մրցույթ «Գլխավոր հաշվապահ»-ի թափուր հաստիքը համալրելու նպատակով։ Հայտնում է ՀՀ շրջակա միջավայրի նախարարությունը։
Պարտականություններ՝
Կազմակերպության բյուջեների կազմում և կատարվելիք ծախսերի (աշխատավարձային ֆոնդ, գնումների պլան, ընթացիկ և մեկանգամյա ծախսեր ) պլանավորման հաշվարկների (բյուջետային և արտաբյուջետային) իրականացման կոորդինացում
Դրամական հոսքերի կանխատեսում, պլանավորված և փաստացի կատարված ծախսերի համեմատական վերլուծությունների իրականացում, հաշվետվությունների պատրաստում
ՀՀ օրենսդրության համաձայն աշխատավարձի, արձակուրդային վճարների, նպաստների, պարգևատրումների, գործուղումների և այլ վճարների հաշվարկի և վճարումների կազմակերպում և աշխատանքների վերահսկում, համապատասխան հաշվապահական փաստաթղթերի ստուգում և ստորագրում
Աշխատակիցների ազատման դեպքում վերջնահաշվարկների կազմում և վճարումների իրականացում
Կազմակերպության հիմնական միջոցների շարժի վերահսկում, տվյալների ստուգում, շահագործումից հանելու և շահագործմանը հանձնելու ժամանակ համապատասխան ձևակերպումների իրականացում
Հարկային հաշվետվությունների, տարեկան ֆինանսական հաշվետվությունների ստուգում և հաստատում, համապատասխան մարմիններին ժամանակին և պատշաճ ներկայացում
Դոնոր կազմակերպությունների կողմից պահանջվող հաշվետվությունների ստուգում և հաստատում, համապատասխան մարմիններին ժամանակին ներկայացում
Կազմակերպության տարեկան գույքագրման աշխատանքների վերահսկում, վերլուծությունների ստուգում և հաստատում
ՀՀ Աշխատանքային օրենսգրքի և կազմակերպության կանոնադրության սահմաններում վերադասի այլ հանձնարարությունների կատարում
Սահմանված պահանջներ՝
Բարձրագույն կրթություն համապատասխան ոլորտում
Առնվազն 2 տարի մասնագիտական աշխատանքային փորձ, որից մեկ տարին ղեկավար պաշտոններում, նախընտրելի է բյուջետային կամ շահույթ չհետապնդող կազմակերպություններում կամ ՀՀ պետական համակարգում
ՀՀ հարկային օրենսդրության և հաշվապահական ստանդարտների գերազանց իմացություն
Հաշվապահական ծրագրերի իմացություն (Հայկական ծրագրեր, 1C և այլն)
Կանխատեսումների իրականացման և բյուջեի պլանավորման հմտություններ
Մեծ ծավալի տեղեկատվության հետ աշխատելու կարողություն
Ժամանակի արդյունավետ կառավարման հմտություններ
Մանրուքների նկատմամբ ուշադրություն
Ղեկավարման հմտություններ
Գերազանց գրավոր և բանավոր հաղորդակցության հմտություններ
Հայերեն և ռուսերեն լեզուների գերազանց տիրապետում
Համակարգչի լավ իմացություն (MS Office, Internet)
Ինքնակենսագրականները ուղարկել էլեկտրոնային տարբերակով հետևյալ էլեկտրոնային հասցեին` [email protected], վերնագիր բաժնում նշելով` «Գլխավոր հաշվապահ»
Դիմելու վերջնաժամկետը` մարտի 3, ժամը 17:00:
Հարցազրույցը տեղի կունենա մարտի 5-ին, ժամը՝ 12:00:
