Ռուսաստանի Դաշնության պաշտպանության նախարարության տարածած հայտարարության մեջ նշվում է, որ հրադադարը պահպանվում է շփման գծի ողջ երկայնքով:
«Մեկ օրվա ընթացքում 38 փախստական Հայաստանի տարածքից վերադարձել է Լեռնային Ղարաբաղ: 2020-ի նոյեմբերի 14-ից մինչ օրս 52,096 մարդ է վերադարձել Լեռնային Ղարաբաղ՝ նախկին բնակավայրերը:
Մարդասիրական ականազերծման կենտրոնի ականազերծող թիմերը շարունակում են իրենց աշխատանքը Լեռնային Ղարաբաղում: Ընդհանուր առմամբ, 2020 թվականի նոյեմբերի 23-ից չպայթած զինամթերքից մաքրվել է 961.3 հա տարածք, 254.8 կմ ճանապարհ, 1002 բնակելի շենք, ներառյալ՝ 27 սոցիալական նշանակության օբյեկտ, հայտնաբերվել և վնասազերծվել է 23 968 պայթուցիկ օբյեկտ»,- նշված է հայտարարության մեջ:
