Մարդու իրավունքների եվրոպական դատարանը (ՄԻԵԴ) հրապարակել է այն երկրների ցանկը, որոնցից 2025-ին ստացել է ամենամեծ քանակի դիմումները։ Ընթացիկ տարվա տվյալների համաձայն՝ Եվրադատարանում քննվում է 62.850 գործ, որից 21.800-ը (34.7%) վերաբերում է Թուրքիային։ Այս մասին Իրավաբան.net-ը տեղեկանում է ermenihaber.am-ից
Փաստացի, ընդհանուր գործերի մեկ երրորդը պատկանում է Թուրքիային և այդ ցուցանիշով Թուրքիան դարձել է ՄԻԵԴ-ում ամենաշատ դիմումներ ունեցող երկիրը։
Թուրքիայից հետո երկրորդ ամենաշատ քննվող գործեր ունեցող երկիրը Ռուսաստանի Դաշնությունն է (8300)։
Եռյակը եզրափակում է Ուկրաինան (7450 դիմում): Վերջինիս հաջորդում է Ռումինիան (3850 դիմում), Լեհաստանը (3000 դիմում) և 6-րդ տեղում Հունաստանը (2750 դիմում)։
