Արցախի Հանրապետության աշխատանքի, սոցիալական և միգրացիայի հարցերի նախարարությունը հայտնում է․
«Հիշեցնում ենք, որ 2020 թվականի դեկտեմբերի 23-ի դրությամբ Արցախում հաշվառում ունեցող՝ 2015 թվականի հունվարի 1-ից հետո ծնված յուրաքանչյուր երեխայի համար սահմանված է միանվագ՝ 20,000 դրամի չափով օժանդակություն։
Շահառուներն աջակցությունը կարող են ստանալ և՛ Արցախփոստի և՛ Հայփոստի բաժանմունքներից։
Հավաքագրված տվյալների համաձայն՝ աջակցությունից քիչ թվով քաղաքացիներ են դեռևս օգտվել։
Շահառուներին հորդորում ենք համապատասխան փաստաթղթերով ներկայանալ և ստանալ ձեզ հասանելիք գումարը»։
