Եղեգիսի համայնքապետարանից հայտնում են․
«2020թ. սեպտեմբերի 27-ին Ադրբեջանը ռազմական ագրեսիա սկսեց Արցախի հետ շփման գծի ողջ երկայնքով և այդ ագրեսիան շարունակվում է մինչ օրս։
Սեպտեմբերի 27-ը գծեց մի նոր սահման զինվորի, սպայի, հայրենիքի համար մարտնչողի համար։
Դավիթ Արայի Հովհաննիսյանը ծնվել էր Եղեգիս համայնքի Շատին բնակավայրում 1995 թվականի օգոստոսի 1-ին։
Դավիթը հերոսաբար զոհվեց 11.10.2020 թվականին պաշտպանելով հայրենիքը։
Դավիթը ընտրել էր զինվորականի ուղին և այն կատարում էր պատվով։ Դավիթը երդվել էր անառիկ պահել հայրենիքի սահմանները՝ հոգում պահած բազմաթիվ նպատակներով և երազանքներով։
Հաղթում է ուժեղը, ոչ թե արդարը: Վայ թույլերին: Գ. Նժդեհի խոսքերն էր Դավթի ֆեյսբուքյան պատին։ Դավիթ ջան դու համ արդարն ես, համ ամենից ուժեղը. դու մեր հերոսն ես, մեր Դավիթը…
Շատինդ, հայրենիքդ հպարտ է իր հերոսով և չի համակերպվում այն մտքին, որ դու արդեն նահատակ ես…
Աստված հոգիդ լուսավորի, Դավիթ ջան…
Կիսում ենք հարազատների վիշտը, հավերժ փառք մեր հերոսին։
Ճանաչենք մերօրյա հերոսներին, մեր ՀԵՐՈՍ ԴԱՎԻԹԸ…»։
