Իրավաբանների հայկական ասոցիացիայի կողմից իրականացվող «Երիտասարդությունը հանուն հակակոռուպցիայի» ծրագրի իրազեկման շրջանակներում ասոցիացիայի ներկայացուցիչն այսօր՝ հուլիսի 6-ին, առցանց սեմինար իրականացրեց Գյումրու ակադեմիական վարժարանի բարձր դասարանների աշակերտների հետ:
Իրազեկման սեմինարին ողջյունի խոսքով հանդես եկավ ԻՀԱ Շիրակի մարզային մասնաճյուղի ներկայացուցիչ Գայանե Գևորգյանը, մասնակիցներին նաև ողջունեց Գյումրու ակադեմիական վարժարանի ուսուցչուհի` Ռոզա Խաչատուրյանը, ով իր խոսքում կարևորեց նման իրազեկման հանդիպումը։ Նա ընդգծեց հատկապես երիտասարդ սերնդի` բարձր դասարանների աշակետների ներգրավվածության կարևորությունը՝ կոռուպցիայի դեմ պայքարում:
ԻՀԱ մեկ այլ ներկայացուցիչ՝ Մարիամ Զաքարյանը, ներկայացրեց «Երիտասարդությունը հանուն հակակոռուպցիայի» ծրագիրն ու պատասխանեց աշակերտների հարցերին:
Աշակերտները մեծ ոգևորությամբ ընդունեցին այն փաստը, որ հնարավություն են ունենալու լուրջ դերակատարում ունենալու կոռուպցիայի դեմ պայքարում։ Նրանք կարևորեցին իրենց իրազեկության բարձրացումն ու մասնակցությունը, ինչպես նաև իրենց շրջապատում հակակոռուպցիոն տեղեկատվության և արժեքների տարածումը: Նաև տեղեկացրին, որ արդեն իրենց հնարավորություններ սահմաններում ձեռնամուխ են եղել նման պայքարին:
Իրազեկման սեմինարին մասնակցեցեն ավելի քան 13 աշակերտ:
Հավելենք, որ «Երիտասարդությունը հանուն հակակոռուպցիայի» ծրագիրը իրականացվում է Շվեդիայի կառավարության աջակցությամբ:
