Ոստիկանության Ջերմուկի բաժնում հաղորդում էր ստացվել, որ վարչական շրջանի հանքարդյունաբերող ընկերություններից մեկի տարածքից վեց խորանարդ մետր ծավալի խճաքարեր են գողացել:
Նյութերի նախապատրաստման ընթացքում ձեռնարկված միջոցառումներով իրավապահները տեղեկություններ ստացան, որ գողությունը հնարավոր է կատարած լինի Գնդեվազ գյուղի 34-ամյա մի բնակիչ:
Ձեռք բերված տվյալների իսկությունը ստուգելուց հետո, մայիս 4-ին, ժամը 20.30-ի սահմաններում, կասկածվողը ոստիկանության Ջերմուկի բաժին հրավիրվեց:
Նա տվել է խոստովանական բացատրություն, որ գողությունն ինքն է արել ապրիլ ամսի երեք տարբեր օրերի ընթացքում` «Զիլ» մակնիշի իր մեքենայով:
Հանգամանքները պարզվում են:
Փաստի առթիվ նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
