Քաղաքապետ Հայկ Մարությանը և քաղաքի գլխավոր ճարտարապետ Արթուր Մեսչյանը կառուցապատող ընկերության ներկայացուցիչների հետ քննարկել են Հալաբյան փողոցի հարակից տարածքում բնակելի համալիրի կառուցման առաջարկը:

Համաձայն էսքիզային նախագծի՝ նախատեսվում է հինգ բազմահարկ շենքերի կառուցում։ Դա կլուծի նաև նշյալ տարածքում վթարային վեց շենքերի բնակիչների վերաբնակեցման խնդիրը: Առաջարկվող նախագծով, ի դեպ, վերաբնակեցումը կսկսի միայն շենքերի կառուցումից հետո:

Քաղաքապետը նշել է, որ համայնքը կանգնած է բոլոր այն ներդրողների ու կառուցապատողների կողքին, որոնք քաղաքի բարեկարգմանը զուգահեռ լուծում են նաև սոցիալական կարևոր խնդիրներ: Առաջիկայում ծրագիրը կներկայացվի ՀՀ կառավարության քննարկմանը:

https://www.facebook.com/HaykMarutyanMayor/videos/2617505028537217/UzpfSTE0MDUyMDgwODk6MTAyMTg1ODk5OTU2ODY4NDA/?story_fbid=10218589995686840&id=1405208089&notif_id=1587055292179572&notif_t=notify_me