4-րդ զորամիավորման զորամասերից մեկի պաշտպանության տեղամասում, զորամիավորման հրամանատար, գնդապետ Ա. Բուդաղյանի ղեկավարությամբ, անցկացվել է դաշտային երթ:
Այս մասին տեղեկացնում են ՀՀ ՊՆ մամուլի ծառայությունից։
Դաշտային երթի ընթացքում ստուգվել է հրամանատարական կազմի պատրաստության մակարդակը պաշտպանական և հակահարձակողական մարտերի նախապատրաստման ու ղեկավարման կազմակերպման ժամանակ, վերհանվել են առկա խնդիրները:
Իրականացվել են նաև տեղազննման աշխատանքներ, ճշգրտվել ստորաբաժանումների մարտական խնդիրները և զորքերի տեղաբաշխման կարգը:
