Գյումրի, Վանաձոր, Կապան, Աբովյան, Էջմիածին, Սպիտակ, Արթիկ, Նոյեմբերյան, Իջևան, Նոր Հաճն, Եղեգնաձոր…. «Ժառանգություն» կուսակցության մամուլի խոսնակ Հովսեփ Խուրշուդյանը Ազատության հրապարակում հայտարարեց այն վայրերի անունները, որտեղ ձայների տարբերությամբ հաղթել է Րաֆֆի Հովհաննիսյանը:
Նրա խոսքով պատասխան են տալու բոլոր այն ճորտատեր գյուղապետերը և ոչ միայն գյուղապետերը, որոնք ընտրախախտումներ են արել, ստիպել են գյուղացիներին բաց քվեարկել: Ըստ «Ժառանգություն» կուսակցության մամուլի խոսնակի՝ այդ գյուղերից են Ճոճկանը, Տաշիրը, Քարաձորը, Հոռոմը, Նոր Դվինըՙ, Վերին Արտաշատը, Խարբերդը և այլն: Վերջինս բարձրաձայնեց նաև այն ընտրատեղամասները, որտեղ բազմաթիվ ընտրախախտումներ են տեղի ունեցել:
Աղբյուրը՝ Իրավաբան.net
