Մարտի 18-ին Ճանապարհային ոստիկանության ծառայողներն ուժեղացված ծառայություն են իրականացրել Երևանում:

Ավտոբուսների ու երթուղային տաքսիների վարորդներին ճանապարհային ոստիկանները զգուշացրել են չխախտել ուղևորափոխադրումների կանոնները, այսինքն՝ նախատեսվածից ավելի ուղևորներ չտեղափոխել։

Ծառայության ընթացքում հայտնաբերվել են նաև այլ խախտումներ, ավտոբուսի մեկ վարորդ չի ունեցել վարորդական իրավունքի վկայական։ Ավտոբուսը տեղափոխվել է ՃՈ պահպանվող հատուկ տարածք։

Ոստիկանությունից նշել են, որ բոլոր օրինախախտ վարորդները հայտնաբերվելու և ենթարկելու են պատասխանատվության։

ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Երկրում մարտի 18-ի առավոտվա դրությամբ վարակի 84 դեպք կա, մեկն առողջացել է: Առողջապահության նախարարությունից կոչ են անում հետևել հիգիենայի կանոններին, հնարավորինս քիչ գտնվել մարդաշատ վայրերում և պահպանել սոցիալական հեռավորություն:

Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով: