Ազգային ժողովի պատգամավորներ Միքայել Մելքումյանը և Շաքե Իսայանը առաջարկում են Վարչական իրավախախտումների վերաբերյալ օրենսգրքում փոփոխություն կատարել։
Նախագծով նախատեսվում է, որ տրանսպորտային միջոցների վարորդների կողմից տրանսպորտային միջոցը հետիոտնային անցման վրա կանգնեցնելը` կառաջացնի տուգանքի նշանակում` 30 հազար դրամի չափով։
Տրանսպորտային միջոցները ոչ սթափ վիճակում վարելը, եթե վարորդը միայն ալկոհոլի ազդեցության տակ է կառաջացնի տուգանքի նշանակում՝ 250 հազար դրամի չափով։
Տրանսպորտային միջոցները ոչ սթափ վիճակում վարելը, եթե վարորդի արյան մեկ լիտրի մեջ մաքուր ալկոհոլի պարունակությունը գերազանցում է 1 գրամը կամ եթե նրա մեկ լիտր արտաշնչած օդի մեջ մաքուր ալկոհոլի պարունակությունը գերազանցում է 0.5 միլիգրամը՝ առաջացնում է տուգանքի նշանակում՝ 300 հազար դրամի չափով։
