Ինչպես արդեն հայտնել ենք, մի շարք շենքերի տանիքներին՝ «ԵՄ-ն Երևանի համար. Արևային համայնք» ծրագրի շրջանակներում, արևային համակարգեր կտեղադրվեն։
Երևանի քաղաքապետի մամուլի խոսնակ Հակոբ Կարապետյանը որոշ մանրամասներ է ներկայացրել ծրագրի վերաբերյալ։
«Ծրագրում ընդգրկված բոլոր շենքերը հատ առ հատ ուսումնասիրվել են՝ սեյսմակայունությունից մինչև բնակեցվածության ցուցանիշը, որը պետք է 75-80 %-ից ցածր չլիներ:
Ընտրված շենքերը հիմնականում 9-14 հարկանի են, հարթ և արևկող տանիքներով: Կարևոր էր նաև սոցիալական տարբեր խմբերի ընտանիքների թիվը:
Նախատեսվում է նաև շենքերի՝ սոցիալապես առավել անապահով ընտանիքներին տրամադրել էներգախնայող լուսադիոդային լուսատուներ:
Ծրագիրն ունի ինչպես էներգետիկ, սոոցիալական, այլեւ բնապահպանական նշանակություն: Նախագծի շնորհիվ Էապես կնվազեն ջերմոցային գազերի արտանետումները (տարեկան շուրջ 850 տոննա CO2)»,-նշել է նա։
