2012-ին Կոլորադո քաղաքի «Ավրորա» թատրոնում կրակոցների հետևանքով սպանված մարդկանց հարազատները նամակ են ուղարկել Warner Bros-ին բողոքելով նոր թողարկվող «Ջոկեր» ֆիլմից, պահանջելով դադարեցնել ֆիլմի ֆինանսավորումը:
Այս մասին հայտնում է NBCNEWS-ը:
«Երբ մենք իմացանք, որ թողարկվում է ֆիլմ, որի գլխավոր հերոսը մարդասպան է, սարսափեցինք»,- ասում են զոհվածների ընտանիքի անդամները նամակում:
Warner Bros-ը ի պատասխան այդ նամակի, ասել է որ հերոսը ընդհամենը գեղարվեստական կերպար է և ֆիլմը ամենևին էլ չի խրախուսում բռնությունը:
2012 թվականի հուլիսի 20-ին «Ավրորա» թատրոնում տեղի ունեցած կրակոցների հետևանքով զոհվել է 12 մարդ, վիրավորվել 70-ը, այդ թվում 58-ը ՝ հրազենից: Հարձակումը իրականացվել է կեսգիշերին Քրիստոֆեր Նոլանի «Մութ ասպետ» ֆիլմի ցուցադրման ընթացքում:
