«Գույքի նկատմամբ իրավունքների պետական գրանցման մասին» ՀՀ օրենքի՝ 2019 թվականի հուլիսի 27-ին ուժի մեջ մտած փոփոխությունների համաձայն, Հայաստանի կադաստրի պետական կառավարման մարմնի պաշտոնական անվանումն արդեն ոչ թե Անշարժ գույքի կադաստրի կոմիտե է, այլ Կադաստրի կոմիտե։
Այս մասին հայտնում են հենց կոմիտեից:
«Բնականաբար, գրավոր դիմելիս կամ հրապարակումներում կարելի է անվանել ՀՀ կադաստրի կոմիտե կամ Հայաստանի կադաստրի կոմիտե կամ պարզապես՝ Կադաստրի կոմիտե։
Գերատեսչության ղեկավարի պաշտոնի անվանումը, ինչպես նախկինում, մնում է նույնը։ Այսինքն, ոչ թե Կադաստրի կոմիտեի պետ կամ նախագահ, ինչպես հաճախ են նշում դիմելիս կամ հրապարակումներում, այլ ղեկավար»,-նշվում է հայտարարության մեջ։
