Անշարժ գույքի նոր հասցեի կամ հասցեի փոփոխության դեպքում գրանցումը իրականացնում են Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի տարածքային ստորաբաժանումները:
Անշարժ գույքի նոր հասցեներ տրամադրվելու կամ անշարժ գույքի հասցեների փոփոխության դեպքում գույքի իրավատիրոջ կամ գրանցված իրավունք ունեցող սուբյեկտի ներկայացմամբ իրականացվում է անշարժ գույքի հասցեի գրանցում: Այն համարվում է տրամադրված կամ փոփոխված` գրանցման մատյանում նոր կամ փոփոխված հասցեն գրանցելու պահից: Անշարժ գույքի նոր հասցեի կամ հասցեի փոփոխության գրանցման հիմքով անշարժ գույքի միավորի նկատմամբ գրանցված իրավունք ունեցող անձանց դիմումով նրանց տրամադրվում է նոր գրանցման վկայական` հասցեի փոփոխության վերաբերյալ նշումով:
Գույքի իրավատերը կամ գրանցված իրավունք ունեցող սուբյեկտը կարող է ներկայանալ իր կողմից լրացված դիմումով, որտեղ պարտադիր նշվում են՝
• գույքի հասցեն կամ գտնվելու վայրը
• ֆիզիկական անձանց դեպքում` դիմողի` Հայաստանի Հանրապետության օրենսդրությամբ սահմանված անձը հաստատող փաստաթղթերից տվյալները (անունը, ազգանունը, հայրանունը, ծննդյան ամսաթիվը, բնակության հասցեն, փաստաթղթի անվանումը, սերիան և համարը),
• իրավաբանական անձի դեպքում՝ լրիվ անվանումը, գտնվելու վայրը, պետական գրանցման համարը,
• դիմումով ներկայացվող պահանջը,
• դիմումին կից ներկայացվող փաստաթղթերի ցանկը,
• դիմումի ներկայացման ամսաթիվը,
• դիմումի կատարման ժամկետը (գրվում է տառերով և թվերով),
• դիմողի ստորագրությունը,
• սպասարկման գրասենյակը, որտեղ ներկայացվում է դիմումը:
Եթե նոր հասեցի կամ հասցեի փոփոխության գրանցումը իրականացվում է առանձին՝ առանց գույքի նկատմամբ իրավունքի պետական գրանցում իրականացնելու, ապա գանձվում է վճար՝ 2000 ՀՀ դրամ:
Անշարժ գույքի նոր հասցեի կամ հասցեի փոփոխության գրանցումը
