Երևանի քաղաքապետ Հայկ Մարությանը հունվարի 15-ին կարգադրություն է ստորագրել, որի համաձայն Երևանի քաղաքապետարանի և «Սահակյանշին» փակ բաժնետիրական ընկերության միջև 06.06.2003 թվականին կնքված «Հավատարմագրային կառավարման մասին» պայմանագրով ստանձնված պարտավորությունների շրջանակներում Երևան համայնքի հանդեպ «Սահակյանշին» փակ բաժնետիրական ընկերության ունեցած պարտավորությունների ծավալը պարզելու նպատակով՝ ստեղծվել է աշխատանքային խումբ, հետևյալ կազմով.

Աշխատանքային խմբի ղեկավար

Կարինե Դանիելյան -Երևանի   քաղաքապետարանի    աշխատակազմի Իրավաբանական    վարչության   նորմատիվ իրավական   ակտերի  մշակման  և   իրավական փորձաքննության բաժնի պետ

Աշխատանքային խմբի անդամներ

Ալեքսանդր Մարտիրոսյան – Երևանի քաղաքապետարանի աշխատակազմի շինարարության և բարեկարգման վարչության շինարարության և բարեկարգման բաժնի պետ

Լիլիա Հարությունյան – Երևանի քաղաքապետարանի աշխատակազմի ֆինանսական վարչության կազմակերպությունների եկամուտների     և ծախսերի ծրագրավորման և մոնիտորինգի բաժնի գլխավոր մասնագետ

Սյուզաննա Սերոբյան – Երևանի քաղաքապետարանի աշխատակազմի եկամուտների հաշվառման և գանձման վարչության ոչ հարկային եկամուտների հաշվառման և գանձման բաժնի առաջատար մասնագետ

Կարգադրությամբ աշխատանքային խմբի ղեկավարին հանձնարարավել է յուրաքանչյուր ամիս ներկայացնել հաշվետվություն կատարված աշխատանքների վերաբերյալ:
Իսկ կարգադրության կատարման հսկողությունը դրվել է Երևանի քաղաքապետի տեղակալ Հայկ Սարգսյանի վրա։