2018 թվականի Ազգային ժողովի արտահերթ ընտրություններին մասնակցող «Իմ քայլը»  դաշիքնի կողմից առաջադրված և պատգամավորի թեկնածուների ցուցակը գլխավորող Նիկոլ Փաշինյանը Կենտրոնական ընտրական հանձնաժողովին է ներկայացրել իր գույքի և եկամուտների հայտարարագիրը:

Իրավաբան.net–ը հաջորդաբար ներկայացնում է 11 քաղաքական ուժերի թեկնածուների հայտարարագրերը:

Հայտարարագրում որպես հաշվետու ժամանակաշրջան է նշված 2017 թվականի նոյեմբերի 1-ից մինչև 2018 թվականի նոյեմբերի 1-ը:

Նիկոլ Փաշինյանը հայտարարագրել է մեկ մեքենա՝ Hyundai Sonata 2.4 (2012 թ):

Հաշվետու ժամանակահատվածում նրա եկամուտները կազմել են՝ 12 միլիոն 498 հազար դրամ: Սա ստացվել է 3 աղբյուրից՝ որպես ԱԺ պատգամավոր ստացած աշխատավարձից, որպես ՀՀ վարչապետ ստացած աշխատավարձից և Անտարես ՍՊԸ-ի կողմից տրված հոնորարից:

Հայտարարագիրը ներկայացնելու օրվա դրությամբ Նիկոլ Փաշինյանի դրամական միջոցները կազմել են 1800 դոլար:

Այժմ Նիկոլ Փաշինյանը Հայաստանի վարչապետի ժամանակվոր պաշտոնակատարն է:

Ալիսա Չիլինգարյան