Վաղը՝ նոյեմբերի 27-ին, Երևանի ավագանին որոշում կընդունի որպես նվիրատվություն ընդունել «Երևան 2800» մշակութային հիմնադրամի
47 միլիոն 463 հազար դրամ արժեքով գույքը համաձայն՝ հավելվածի:
«Երևան 2800» մշակութային հիմնադրամի հոգաբարձուների խորհրդի նախագահը Երևանի քաղաքապետին հասցեագրված 2018 թվականի նոյեմբերի 2-ի համար 12 գրությամբ ներկայացրել է հիմնադրամի հոգաբարձուների խորհրդի 2018 թվականի նոյեմբերի 2-ի նիստի N9 արձանագրությունը և խնդրել է նշված գույքը Երևան համայնքին նվիրելու ուղղությամբ ձեռնարկել համապատասխան միջոցներ:
ՀՀ քաղաքացիական օրենսգրքի 597-րդ հոդվածի 1-ին կետի համաձայն` նվիրառուն իրավունք ունի մինչև նվերն իրեն հանձնելը ցանկացած պահի հրաժարվել դրանից: Այդ դեպքում նվիրատվության (նվիրաբերության) պայմանագիրը համարվում է լուծված:
Ելնելով վերոգրյալից, անհրաժեշտություն է առաջացել Երևան քաղաքի ավագանու որոշմամբ ընդունել Երևան համայնքին նվիրվող գույքը:
