Երևանի ամբողջ տարածքով միաժամանակ ճարտարապետական խնդիրներ լուծելն անհնար է և պետք է ամեն ինչ կազմակերպվի թաղամաս առ թաղամաս։
Այս մասին այսօր՝ նոյեմբերի 6-ին, Երևանի քաղաքապետարանում տեղի ունեցած մամուլի ասուլիսի ժամանակ հայտնեց քաղաքի գլխավոր ճարտարապետ Արթուր Մեսչյանը։
«Գազի խողովակների այն այլանդակ սարդոստայնը, որ քաղաքում է, ուղղակի խայտառակություն է: Նման բան միայն երրորդ երկրներում է տեղի ունենում, ոչ մի քաղաքում գազի խողովակաշարերն այն տարբերակով չեն, ինչպես կատարվում է Երևանում»,-նշեց Մեսչյանը։
Նա նշում է, որ պետք է լուծվի ավտոտնակների հարցը, երեխաների համար տարածք ազատ լինի, ուշադրություն դարձվի նաև այն շինարարություններին, որոնք կատարվում են շենքի կտուրներում, երբ նոր հարկ է ավելանում։
