ԱԺ ընտրությունները տեղի կունենան դեկտեմբերի 9-ին. այսօր ԱԺ-ում լրագրողների հետ զրույցում ասաց վարչապետ Նիկոլ Փաշինյանը:
Նա նշեց նաև, որ հավանաբար այսօր նախագահի հրամանագիրը կլինի՝ ԱԺ ընտրությունների օր նշանակելու մասին:
Իսկ ինչ վերաբերում է գործող ընտրական օրենսգրքով ընտրություններ անցկացնելուն, քանի որ «Քաղաքացիական պայմանագիր» կուսակցությունը ռեյտինգային համակարգի հետ վերաբերյալ մտահոգություններ ուներ, Նիկոլ Փաշինյանն ասաց.
«Ես, իհարկե, մտահոգված եմ և կարծում եմ՝ ընտրական օրենսգրքի մեր առաջարկով ընտրություններն առավել քաղաքական կլինեին, և քաղաքական ուժերի ավելի լայն շրջանակ կընդգրկվեր: Բայց ես կարծում եմ, որ լիարժեք հնարավորություն կունենանք ապահովել ազատ և թափանցիկ ընտրություններ»:
