Ազգային ժողովը այսօր քվեարկեց երեկ՝ սեպտեմբերի 11-ին, քննարկված հարցերի համար:
Այսօր նիստին ներկա է 89 պատգամավոր:
Վարչական իրավախախտումների վերաբերյալ օրենսգրքում փոփոխություն եւ լրացում կատարելու մասին նախագծին կողմ քվերակեցին 89 պատգամավոր:
Հիշեցնենք, որ նախագծով վարչական իրավախախտում կատարած անձիք վարչական ակտը ստանալու օրվանից 8 օրվա ընթացքում տուգանքը վճարելու դեպքում սահմանված գումարի 50 տոկոսը իրավունք կունենան չվճարել:
Սա չի վերաբերում բոլոր վարչական ակտերին, կան բացառություններ, օրինակ՝ անսթափ վիճակում ավտոմեքենա վարելը կամ այնպիսի խախտումներ, որոնք լուրջ հետևանքներ կարող են ունենալ հանրության համար:
Պատգամորները նաև կողմ քվերակեցին կառավարության կողմից առաջարկված «Դատական ակտերի հարկադիր կատարման մասին» Հայաստանի Հանրապետության օրենքում լրացումներ կատարելու, «Պետական կենսաթոշակների մասին» Հայաստանի Հանրապետության օրենքում փոփոխություն կատարելու և «Էլեկտրոնային հաղորդակցության մասին» Հայաստանի Հանրապետության օրենքում լրացում եւ փոփոխություններ կատարելու մասին օրենքի նախագծերը:
