Կառավարությունը վաղը՝ սեպտեմբերի 6-ին կայանալիք հերթական նիստին որոշում կընդունի կրթության և գիտության նախարարությանը գումար հատկացնելու մասին։
Որոշման նախագծի հիմնավորման մեջ նշվում է, որ 2018 թվականի մարտի 24-ին ուժեղ քամու հետևանքով վնասվել են ՀՀ Գեղարքունիքի մարզի Սևանի Խաչատուր Աբովյանի անվան ավագ դպրոցի, ՀՀ Լոռու մարզի Ալավերդու պետական քոլեջի և ՀՀ Կոտայքի մարզի Հրազդանի արհեստագործական պետական ուսումնարանի տանիքները: Պատճառված վնասի չափը յուրաքանչյուր կրթական հաստատությունում գնահատվել է առանձին հանձնաժողովների կողմից և ընդհանրական թվով կազմում է 1․015․000 ՀՀ դրամ:
Այսպիսով,
1) Գեղարքունիքի մարզի Սևանի Խ. Աբովյանի անվան ավագ դպրոցի տանիքի վերանորոգման համար կտրամադրվի 317․000 դրամ:
2) Լոռու մարզի Ալավերդու պետական քոլեջի տանիքի վերանորոգման համար՝ 398․000 դրամ:
3) Կոտայքի մարզի Հրազդանի արհեստագործական պետական ուսումնարանի ուսումնական մասնաշենքի տանիքի վերանորոգման համար՝ 300․000 դրամ:
