Բարձրաստիճան պաշտոնատար անձիք յուրաքանչյուր տարի Բարձրաստիճան պաշտոնատար անձանց էթիկայի հանձնաժողովին են ներկայացնում իրենց գույքի ու եկամուտների տարեկան հայտարարագրերը:
Այս տարի, մայիսի 24-ի դրությամբ 2017 թվականի (տարեկան) հայտարարագիրը չեն ներկայացրել 51 պաշտոնատար անձինք, որոնց ցանկը հրապարակվել է:
2017 թվականի հուլիսի 1-ից 2018 թվականի փետրվարի 10-ն ընկած ժամանակահատվածում պաշտոն ստանձնելու հայտարարագիրն օրենքով սահմանված ժամկետից ուշ ներկայացրած պաշտոնատար անձանց ցանկի համաձայն իրենց հայտարարագրերը չեն ներկայացրել համայնքապետերից՝
- Առուշ Առուշանյանը՝ Գորիս համայնքի ղեկավարը,
- Վարդան Ղալումյանը՝ Իջևան համայնքի ղեկավարը:
Դատախազներից հայտարարագիր չեն ներկայացրել՝
- Արմեն Աֆանդյան – Երևան քաղաքի Կենտրոն և Նորք-Մարաշ վարչական շրջանների դատախազ,
- Արթուր Ոսկանյան – Թիվ 3 կայազորի զինվորական դատախազության դատախազ,
- Կամո Խաչատրյան – ՀՀ գլխավոր դատախազության կոռուպցիոն և տնտեսական գործունեության դեմ ուղղված հանցագործությունների գործերով վարչության ավագ դատախազ,
- Կարեն Ստեփանյան – Երևան քաղաքի դատախազության ավագ դատախազ,
- Հմայակ Ղարիբյան – Երևանի կայազորի զինվորական դատախազության դատախազ,
- Նարեկ Ղազարյան – Արագածոտնի մարզի դատախազության դատախազ,
- Վահագն Իսկանդարյան – Թիվ 3 կայազորի զինվորական դատախազության ավագ դատախազ:
