Դատական տեղեկատվական համակարգից տեղեկանում ենք, որ Լ. Հովհաննիսյանը, նախանական համաձայնության գալով աներորդի Գ.Խաչատրյանի հետ, միասին, շարունակաբար 2013թ.սեպտեմբերից մինչև 2014թ. փետրվարը ապառիկ կարգով տարբեր տեսակի դյուրակիր համակարգիչներ են ձեռք բերել: Նրանք համակարգիչները ձեռք են բերել ապառիկ պայմանագրով գնելու կեղծ խոստումով, տարբեր քաղաքացիների անուններով:
Երևանում գործող համակարգչային տեխնիկայի առուվաճառքով զբաղվող «Լյուքս կոմպյուտեր», «Վեգա Ուորլդ» ՍՊԸ-ի, «ՎՏԲ Հայաստան բանկ» ՓԲԸ-ի և այլ ՍՊԸ-ների հետ վարկավորմամբ կնքել են տվել վարկայինև կոշտ գրավի պայմանագրեր և հափշտակել առանձնապես խոշոր չափի՝ շուրջ 5 միլիոն 400 հազար դրամի համարժեք համակարգիչներ:
Մեղադրական եզրակացության համաձայն նաև նշվում է, որ սրանից բացի, Լ.Հովհաննիսյանը ուրիշի գույքի գաղտնի հափշտակություն կատարելու դիտավորությամբ 2014թ. ապրիլին մուտք է գործել Ա.Ա.-ին պատկանող տունը և խորդանոցի պահարանից գաղտնի հափշտակել է 34.000 դրամ արժողության կանացի ոսկյա մատանի, 133.000 դրամ արժողության տղամարդու մատանի, 100.000 դրամ կանխիկ գումար, 7 շիշ կոնյակներ:
Այս գործը դատաանում է դեռևս 2015 թվականից: Նրանց նկատամաբ որպես խափանման միջոց էր նշանակվել կալանավորումը:
2017 թվականի հունվարի 16-ին, այնուհետև նոյեմբերի 17-ին դատարանը որոշումներ էր ընդունել մերժել ամբաստանյալ Լ.Հովհաննիսյանի կալանքը այլ խափանման միջոցով փոխարինելու մասին դիմումը:
Գործով պաշտպան Թամարա Բաղդասարյանից տեղեկանում ենք, որ այսօր՝ մայիսի 5-ին այս գործով հետաքրքրիր ու եզակի որոշում է ընդունվել: Նա նաև նշում է, որ նախկինում իր գործերով նման որոշում չի ունեցել:
«Երևան քաղաքի ԸԻ դատարանը նախագահությամբ Ա.Վարդանյանի վերոնշյալ քրեական գործով պաշտպանյալիս՝ Լ. Հովհաննիսյանի նկատմամբ, ով մեղադրվում է 2 դրվագ ՀՀ քր. Օր-ի 177-րդ հոդվածի 3-րդ մասի 1.1 կետով և 1 դրվագ ՀՀ քր. օր-ի 178-րդ հոդվածի 3-րդ մասով կիրառել է գրավ ՝ գործը դատական քննության նշանակելու որոշմամբ»,-նշում է Թամարա Բաղդասարյանը:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով և սահմանված կարգով՝ դատարանի՝ օրինական ուժի մեջ մտած դաավճռով:
