Մշակույթի նախարարի պաշտոնակատար Արմեն Ամիրյանը մայիսի 2-ին դուրս էր եկել նախարարության շենքի դիմաց ցույց անցկացնող ցուցարարների մոտ և հայտարարել, որ հրաժարական է տվել:
Իրավաբան.net-ը ստորև ձեզ է ներկայացնում Արմեն Ամիրյանի կենսագրությունը:
Արմեն Արտավազդի Ամիրյանը ծնվել է 1967 թ-ին հուլիսի 29-ին, Երևանում:
Կրթություն
- 1984 թ. ավարտել է Նար-Դոսի անվան թիվ 14 միջնակարգ դպրոցը։
- 1985-1991թթ.- Երևանի Խ. Աբովյանի անվ. հայկական պետական մանկավարժական ինստիտուտ, մասնագիտությունը` կուլտուր-
լուսավորչական
Աշխատանքային գործունեություն
- 1982 թվականից Հայաստանի պետական հեռուստատեսությունում վարել է մանկապատանեկան հաղորդումներ։
- 1984 թ. ընդունվել է աշխատանքի Հայաստանի Հեռուստառադիոպետկոմ՝ որպես ռեժիսորի ասիստենտ։
- 1986-1988 թթ. ծառայել է Խորհրդային բանակում:
- 1985-1997 թթ. աշխատել է հաղորդավարական բաժնում։ Վարել է լրատվական, քաղաքական հաղորդումներ, երաժշտական, ժամանցային ծրագրեր, պետական և ազգային տոների պաշտոնական միջոցառումներ։
- Ավարտելուց հետո, որոշ ժամանակ դասավանդել է նույն ինստիտուտում։
- 1990-1995 թթ. հեղինակել է «Խճանկար», «Խաչմերուկ», «Բարի լույս», «Փոստարկղ» և այլ հաղորդումներ։
- 1996 թ. հիմնել է «Ար Ռադիո Միջմայրցամաքային» ընկերությունը և «Արմենակոբ» մշակութային կենտրոնը, որը ծառայել է մի շարք բարեգործական ծրագրերի իրականացմանը։ Հայ առաքելական եկեղեցու Արարատյան հայրապետական թեմի հոգևոր խորհրդի անդամ է։ Անդամակցում է նաև Հեռուստատեսության և ռադիոյի միջազգային ակադեմիային և արժանացել է հիշյալ ակադեմիայի ոսկե մեդալին։ 2000 թ. ստեղծել է «Արմենակոբ» հեռուստաընկերությունը։
- 1997-2015 թթ. եղել է Հայաստանի Հանրային ռադիոյի գործադիր տնօրենը։
- 2000 թ. ստեղծել է «Արմենակոբ» հեռուստաընկերությունը։
- 2009 թ. ընտրվել է ՀՀ ոստիկանության հասարակական խորհրդի անդամ։
- 2010 թ. եղել է Հայաստանի Հանրային հեռուստաընկերության գործադիր տնօրենի պաշտոնակատար։
- 2010-2013 թթ. – ղեկավարել է Երևանի Խաչատուր Աբովյանի անվան պետական մանկավարժական համալսարանի կուլտուրայի ֆակուլտետի հեռուստա և ռադիոլրագրության ամբիոնը։
- 2015 թ. դեկտեմբերի 16-ին ՀՀ Նախագահի հրամանագրով նշանակվել է Հանրային հեռուստառադիոընկերության խորհրդի անդամ՝ վեց տարի ժամկետով:
- 2016 թվականի սեպտեմբերի 27-ին ՀՀ նախագահի ՆՀ-1053-Ա հրամանագրով նշանակվել է ՀՀ մշակույթի նախարար:
Պարգևներ և կոչումներ
- Մովսես Խորենացու մեդալ (2006)։
- Հեռուստատեսության և ռադիոյի միջազգային ակադեմիայի ոսկե մեդալ, 2007թ.
- Երևանի քաղաքապետի ոսկե մեդալ (2012թ.)
- Հայաստանի Հանրապետության մշակույթի վաստակավոր գործիչ (2015)
- «Ֆրիտյոֆ Նանսեն» ոսկե մեդալ
- Ունի դոցենտի գիտական կոչում՝ թատերական արվեստ, կինոարվեստ մասնագիտությամբ (2009):
