Սիրիայում ռուսական Սու-30ՍՄ կործանիչ է կործանվել: Այս մասին հայտնում է «ՌԻԱ Նովոստի»-ն՝ ՌԴ պաշտպանության նախարարությանը հղումով:
«Օդաչունները, որոնք մինչև վերջին պահը պայքարել են օդանավի համար, դեպքի վայրից ստացված տեղեկությունների համաձայն՝ զոհվել են»,-հայտնել է աղբյուրը:
Ավիաաղետը տեղի է ունեցել Միջերկրական ծովի օդային տարածքում՝ այն ժամանակ, երբ կործանիչը բարձրություն էր հավաքում «Հմեյմիմ» ռազմաբազայից դուրս գալուց հետո:
Ըստ նախնական տվյալների՝ կործանիչի ուղղությամբ կրակ չի բացվել: Չի բացառվում, որ դրա շարժիչի մեջ կարող էր թռչուն հայտնված լինել:
Օդաչուներից մեկը հայ է եղել: Ըստ Vesti.ru–ի՝ մայոր Ալբերտ Դավիդյան:
