Հայաստանի Հանրապետության Առողջապահության նախարարությունը շահագրգռված է ներգրավել մասնագետի, որը պատասխանատու կլինի ՀՀ կառավարության և ՀՀ առողջապահության նախարարության ռազմավարության իրականացման համար, մասնավորապես՝ առողջապահության ոլորտում մասնավոր, արտերկրյա և տեղական ներդրումների, պետություն-մասնավոր ներդրող գործընկերությունների կայուն հաստատման, ինչպես նաև տարածաշրջանային կենտրոններ հիմնելու, արտահանման ծավալներն ընդլայնելու և բժշկական զբոսաշրջությունը զարգացնելու համար:

Ներդրումների մասնագետը բոլոր հնարավոր ներդրողների և հետաքրքրված անձանց/կազմակերպությունների համար պետք է իրականացնի մասնագիտական խորհրդատվություն:

Մասնագետը հիմնականում պատասխանատու է հնարավոր մասնավոր ներդրողի ներդրումային հատկացումները ձևավորելու և կառավարելու համար:

Ներդրողների հետ համագործակցությունը նախատեսվում է հիմնականում հետևյալ ոլորտներում` դեղագործական (դեղերի, բժշկական պարագաների, ախտահանիչների և այլի արտադրության կազմակերպում և/ կամ փաթեթավորում); բնական արտադրանքի (բուսական արտադրանք, կոսմետիկա և այլն); բժշկական սարքավորումների; ինչպես նաև դեղագործական ընկերությունների մոբիլիզացում՝ Հայաստանում կլինիկական հետազոտություններ և փորձարկումներ իրականացնելու նպատակով, ներդրումների միջոցով բժշկական հաստատություններում ենթակառուցվածքների արդիականացում, այլ ծրագրերի մշակում:

ԱՇԽԱՏԱՆՔԻ ՇՐՋԱՆԱԿ.

– ներդրման և ապահովագրական հնարավորությունների ուսումնասիրություն և խորհրդատվություն՝ հնարավոր ներդրողների համար

– գտնել ինչպես տեղական, այնպես էլ արտերկրյա հնարավոր ներդրողներ

– բացահայտել հնարավոր ներդրողի ներդրումային նպատակները և համապատասխանությունը ներդրումային արտադրանքին

– ուսումնասիրել և լուծել հնարավոր ներդրողի ներդրումային կարիքները

– որոշել ներդրողի համար հնարավոր ռիսկերը

– աջակցություն ցուցաբերել հնարավոր ներդրողներին պաշտոնատար անձանց հետ փոխգործակցության ընթացքում (անհրաժեշտության դեպքում ուղեկցել), քայլ առ քայլ ուղղորդել իրենց գործունեությունը

– պատրաստել կիսամյակային և տարեկան հաշվետվություններ շուկայական պայմանների, միտումների և երկրի ընդհանուր տնտեսական հեռանկարների վերաբերյալ

– ֆինանսական և ներդրումային հրապարակումների (հրատարակված Հայաստանի պետական մարմինների և մուլտիլատերալ կազմակերպությունների կողմից), տնտեսական խնդիրներին և առողջապահության համակարգի կատարողականին վերաբերվող, պաշտոնական վիճակագրության մշտադիտարկում

– կանոնավոր կապի հաստատում հնարավոր ներդրողների հետ

– ներդրումների պորտֆոլիոների պատրաստում (յուրաքանչյուր ոլորտի համար) և ներկայացում հնարավոր ներդրողներին:

ՊԱՀԱՆՋՎՈՂ ՈՐԱԿԱՎՈՐՈՒՄ.

– Բարձրագույն կրթություն ՝ մագիստրոսի աստիճան ,

– Աշխատանքային փորձ ֆինանսական կամ ներդրումային ոլորտում՝ հատկապես հնարավոր ներդրողների և/կամ հաճախորդների համար առաջարկությունների պորտֆոլիոների տրամադրման հարցում

– Ֆինանսական կամ շուկայի վերլուծության փորձ

– Առնվազն երեք տարվա մասնագիտական աշխատանքային ստաժ

– Հայերենի, ռուսերենի և անգլերենի գերազանց իմացություն (գրավոր և բանավոր)

– ՀՀ օրենսդրության ներդրումային շուկայի կարգավորման լավ իմացություն

– Բիզնես էթիկայի կանոնների իմացություն և դրանց հետևում:

ՊԱՀԱՆՋՎՈՂ ՀՄՏՈՒԹՅՈՒՆՆԵՐ.

– Տվյալների մեկնաբանման, ինչպես նաև հետազոտության ու վերլուծության հմտությունների բարձր արդյունավետություն

– Ֆինանսական, տնտեսական և առողջապահական ոլորտի շուկաներում, ընթացիկ շուկայական պայմանների, ինչպես նաև երկրի ընդհանուր տնտեսական հեռանկարի միտումների, խորը ըմբռնում և վերլուծություն

– Առկա և հնարավոր ներդրողների հետ ամուր հարաբերությունների հաստատում և պահպանում

– Արագ կողմնորոշման և որոշումների կայացման հմտություններ

– Ներդրողների հետ հաճախ շփվելու պատրաստակամություն

– Խնդիրների և հակասությունների լուծումներ գտնելու հմտություն

– Համակարգչային հմտություններ:

ԴԻՄԵԼՈՒ ԸՆԹԱՑԱԿԱՐԳ.

Հավակնորդները պետք է ներկայացնեն նամակ-դիմում և մանրամասն ինքնակենսագրություն հայերեն և անգլերեն լեզվով՝ [email protected] էլեկտրոնային փոստի հասցեով: Խնդրում ենք նշել Ձեր անունը և պաշտոնը էլեկտրոնային փոստի “թեմա” տողում: Կհրավիրվեն միայն առաջին փուլն անցած թեկնածուները:

Մրցույթի ամսաթիվը` 30 Մարտ 2017

Հայտերի ընդունման վերջնաժամկետը՝ 20 Մարտ 2017