Մարտի 3-ին, ժամը 12-ին կբացվի ՀՀ ԳՆ սննդամթերքի անվտանգության պետական ծառայության սպասարկման նոր կենտրոնը (հասցեն՝ Երևան, Կոմիտասի 49/2), որտեղ տնտեսավարողներն ու սպառողները հնարավորություն կունենան ստանալ տեղեկատվություն, խորհրդատվություն, սննդամթերքի անվտանգությանն առնչվող իրենց հարցերի պատասխանները, ինչպես նաև կազմակերպել արտահանման հետ կապված փաստաթղթային ձևակերպումները ժամանակակից ստանդարտներին համապատասխանող, հարմարավետ պայմաններում:
Այս մասին հայտնում են Սննդի անվտանգության պետական ծառայությունից:
Սպասարկման կենտրոնի բացմանը ներկա կլինեն ՀՀ գյուղատնտեսության նախարար Իգնատի Առաքելյանը և ՀՀ ԳՆ «Գյուղատնտեսական ծրագրերի իրականացման գրասենյակ» պետական հիմնարկի տնօրենի պաշտոնակատար Գեղամ Գևորգյանը, լրագրողների հետ ճեպազրույց կունենա ՀՀ ԳՆ սննդամթերքի անվտանգության պետական ծառայության պետ Իշխան Կարապետյանը:
Նյութը հրապարակվել է «Հանրային վերահսկողության և կոռուպցիոն ռիսկերի կանխարգելման մեխանիզմների ուժեղացումը սննդի անվտանգության ոլորտում ծրագրի» շրջանակներում, որն իրականացվում է ՀՀ Նախագահի աշխատակազմի կողմից Իրավաբանների հայկական ասոցիացիային տրամադրվող դրամաշնորհային ծրագրի և Հայաստանի երիտասարդական հիմնադրամի հայտարարած մրցույթի շրջանակներում:
