ՀՀ ԱԺ պատգամավոր Զարուհի Փոստանջյանի դիմում է հղել ՀՀ առողջապահության նախարար Արմեն Մուրադյանին և ՀՀ մարդու իրավունքների պաշտպան Արման Թաթոյանին: Դիմումը վերաբերում է «Սասնա ծռեր» խմբի անդամ հերոս Հովհաննես Հարությունյանի աողջական վիճակին: Պատգամավորը նշել է.
«Աջ ոտքի հրազենային երկու վիրավորում ստացած «Սասնա ծռեր» խմբի անդամ հերոս Հովհաննես Հարությունյանին շտապ անհրաժեշտ է վիրահատություն, սակայն, մինչ օրս, միջոցներ չի ձեռնարկվում երիտասարդին վիրահատելու ուղղությամբ:
Հիմք ընդունելով վերոգրյալը՝ դիմում եմ Ձեզ՝ շտապ միջոցներ ձեռք առնել՝ Հովհաննես Հարությունյանի վիրահատությունն իրականացնելու նպատակով:
Կոչով դիմում եմ խնդրով մտահոգ այն վիրաբույժներին, ովքեր հանձն կառնեն և կվիրահատեն երիտասարդի ոտքը` հետագա բարդացումներից խուսափելու համար»:
