ՀՀ վարչապետ Հովիկ Աբրահամյանը որոշում է ընդունել Լեռնային Ղարաբաղի Հանրապետությանը տրամադրվող մարդասիրական օգնությունը համակարգող մարմին ստեղծելու վերաբերյալ: Մասնավորապես, ապրիլի 8-ի 267-Ա որոշման մեջ նշվում է.
«Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 119-րդ կետի՝
1. Լեռնային Ղարաբաղի Հանրապետությանը տրամադրվող մարդասիրական օգնությունը համակարգելու, դրանք հաշվառելու, տուժածներին օգնություն ցուցաբերելու նպատակով պարենային, բժշկական և նյութական այլ պաշարների, (այսուհետ՝ մարդասիրական օգնություն) կուտակման գործընթացը և դրանց նպատակային օգտագործման կազմակերպումը վերապահել Հայաստանի Հանրապետության արտակարգ իրավիճակների նախարարությանը:
2. Հայաստանի Հանրապետության արտակարգ իրավիճակների նախարարին՝ կազմակերպել մարդասիրական օգնության կենտրոնացված հաշվառումը, փոխադրումն ու հանձնումը Լեռնային Ղարաբաղի Հանրապետության կառավարությանը»:
