Արցախյան մարտերի ժամանակ երեկ զոհվել է պայմանագրային զինծառայող 26-ամյա Սասուն Մկրտչյանը: ՀՀ պաշտպանության նախարարի մամուլի խոսնակ Արծրուն Հովհաննիսյանը իր ֆեյսբուքյան էջում հրապարակել է Սասուն Մկրտչյանի լուսանկարը եւ գրառել. «Ցավում ենք ու հպարտանում այս առյուծի սխրանքով»:
Սասուն Մկրտչյան
Ապրիլի 2-ին արցախյան մարտերի ժամանակ զոհվել է ժամկետային զինծառայող 20-ամյա Քյարամ Սլոյանը. այս մասին հայտնում է armtimes.com լրատվականը: Սլոյանը Արտաշավան գյուղից էր: Բոլորովին վերջերս էլ՝ մարտի 20-ին, զինծառայող ընկերների հետ նշել էր ծննդյան 20 ամյակը:
Քյարամ Սլոյան
Հորոսաբար զոհվել է տանկիստ, 38-ամյա Հովիկ Մայիլյանը: Նա ԼՂՀ Հադրութ քաղաքից է, ունի 3 անչափահաս երեխա:
Հովիկ Մայիլյան
