Թուրքիայի վարչապետը հայտարարել է, որ իր երկիրը Ռուսաստանից ներողություն չի խնդրի ինքնաթիռին հարված հասցնելու համար, որը հատել է Թուրքիայի օդային սահմանը: Այս մասին գրում է Fox News լրատվականը:
Ահմեդ Դավութօղլուն նաև ասել է, որ Թուրքիան հույս ունի, որ Մոսկվան կվերանայի տնտեսական պատժամիջոցները:
Դավութօղլուն լրագրողներին հայտնել է, որ ո´չ Թուրքիայի վարչապետը, ո´չ էլ նախագահը ներողություն չեն խնդրի իրենց պարտքի կատարման համար: Այս մասին նա ասել է Բրյուսելում ՆԱՏՕ-ի գլխավոր քարտուղարի հետ հանդիպումից հետո, և հավելել, որ Թուրքիան պատրաստ է բանակցել Ռուսաստանի հետ՝ ապագայում նմանատիպ պատահարները կանխարգելելու համար:
ՌԴ նախագահ Վլադիմիր Պուտինի արտաքին գործերով խորհրդականն նշել է, որ Պուտինը չի պատասխանել Թուրքիայի նախագահի զանգերին, քանի որ Թուրքական կողմը ներողություն չի խնդրել: Ռուսաստանը պնդում է, որ ինքնաթիռը չի հատել Թուրքիայի օդային սահմանը:
Պատրաստեց՝ Սուսաննա Խաչատրյանը
