Fox news հեռուստաալիքի հաղորդմամբ ԱՄՆ Լուիզիանա նահանգում մարշալները 6-ամյա տղայի են սպանել իսկ նրա հորը՝ Քրիս Ֆյուին ծանր վնասվածք հասցրել վերջինիս հետապնդելու ժամանակ: Միջադեպը տեղի է ունեցել Մարքսվիլ քաղաքում, երեքշաբթի երեկոյան ժամը 9:30-ին: Ինչպես հաղորդում է դատաքննիչը, Ջերեմի Մարդիսը՝ հետապնդվողի որդին, ով մոտակայքւոմ գտնվող տարրական դպրոցի առաջին դասարանի աշակերտ էր, մահացել է գլխին և կրծքին ստացած հրազենային բազմաթիվ վերքերից: Ֆյուի վիճակը շատ ծանր է:
Դատաքննիչ Մայեքսի խոսքերով քաղաքի ոստիկանները հրազենից կրակ են բացել երբ Ֆյուն փորձել է հարձակվել նրանց վրա, այն բանից հետո երբ ոստիկանները մեքենայով փակուղի են մտցրել նրան: «Հրաձգության ժամանակ երեխան հայտնվել է կրակագծին»,- ասել է դատաքննիչը` նշելով, որ տղան գտնվել է ավտոմեքենայի` ուղևորների համար նախատեսված նստարանին:
Դեռ պարզ չէ թե ինչ առաջադրանք էին իրականացնում քաղաքային մարշալները: Նրանք աշխատում են քաղաքային դատարանների համար, գործադրում են հրազենային զենքեր և ունեն ոստիկանական լիազորություններ:
Դեպքի մանրամասները պարզելու համար պետական ոստիկանությունն է վարում հետաքննություննը, սակայն նրանք քիչ մանրամասներ են տրամադրել դեպքի առնչությամբ:
Պատրաստեց՝ Սուսաննա Խաչատրյանը
