Դատախազության համակարգչային տեխնիկան և գրասենյակային գույքը վերջին 7 տարիների ընթացքում գրեթե չի նորացվել: Այս մասին նշվում է կառավարության այսօրվա նիստին ներկայացված նախագծում, զեկուցողը Արդարադատության նախարար Արփինե Հովհաննիսյանն էր:

Ըստ նախագծի` դատախազությունում կա 337 դատախազի հաստիք, նրանցից  յուրաքանչուրին անհրաժեշտ է ապահովել համակարգչով, բացի  դրանից աշխատակազմի համակարգիչները հին են և ներդրվող  համակարգչային ծրագրերի պահանջներին չեն  բավարարում:  Համապատասխան համակարգչային տեխնիկայով ոչ լիարժեք հագեցվածությունը հնարավորություն չի ընձեռում ներդրված վերոգրյալ ծրագրերի լիակատար սպասարկումը դատախազության ստորաբաժանումներին: ՀՀ դատախազությունում 2014 թվականի ընթացքում կատարված գույքագրման արդյունքում օգտագործման համար արդեն ոչ պիտանի բավականին գրասենյակային գույք ներկայացվել է դուրսգրման, որոնց փոխարեն անհրաժեշտ է համակարգը համալրել համապատասխան գրասենյակային գույքով:

Ուստի Արփինե Հովհաննիսյանն առաջարկեց Հայաստանի Հանրապետության դատախազության համակարգում Mulberry համակարգի շահագործումն ապահովելու նպատակով համակարգչային տեխնիկա ձեռքբերելու, ինչպես նաև դատախազության համակարգի գույքը համալրելու նպատակով` Հայաստանի Հանրապետության դատախազությանը Հայաստանի Հան­րա­պե­տության 2015 թվականի պետական բյուջեով նախա­տեսված Հայաս­տանի Հանրա­պետության կառավարության պահուստային ֆոնդի հաշվին 2015 թվականաին հատկացնել 39 մլն դրամ 82 հազար ԱՄՆ դոլար (բյուջետային ծախսերի տնտեսագիտական դասակարգման« վարչական  սարքավորումներ» հոդվածով): 

Իրավաբան.net