Բնավ ոչ, քանզի ՀՀ քաղաքացիական օրենսգրքի 11–րդ հոդվածի համաձայն` քաղաքացիների և իրավաբանական անձանց հրաժարվելն իրենց իրավունքներն իրականացնելուց չի հանգեցնում այդ իրավունքների դադարման, բացառությամբ օրենքով նախատեսված դեպքերի:
Այսինքն, երբ մասնակցում եք քաղաքացիաիրավական բնույթ կրող իրավահարաբերությունների, ապա Ձեր կողմից Ձեր ունեցած իրավունքներից հրաժարումը երբևէ չի կարող հանգեցնել այդ իրավունքների դադարեցման, բացառությամբ օրենքով նախատեսված դեպքերի։
Միևնույն ժամանակ հիշեք, որ քաղաքացիները և իրավաբանական անձինք իրենց պատկանող քաղաքացիական իրավունքները` ներառյալ դրանց պաշտպանության իրավունքը, իրականացնում են իրենց հայեցողությամբ:
Այսինքն, Ձեզ պատկանող քաղաքացիական իրավունքները, դրանք օրենքով չարգելված բոլոր եղանակներով պաշտպանելու միջոցները իրականացնում եք դուք ինքնուրույն և բացառապես Ձեր հայեցողությամբ։
