«Քրեական գործերով տեղեկատվություն տրամադրելու սկզբունքները» թեմայով այսօր Ծաղկաձորում ընթացող կլոր սեղանին մասնակցեց նաև ՀՀ քննչական կոմիտեի նախագահ Աղվան Հովսեփյանը, ով լրագրողների` Տիգրան Խաչատրյանի գործին առնչվող հարցերին անդրադառնալով նշեց. «Արդեն Խաչատրյանը հարցաքննվում է,ինչ կարիք կա նրան բերման ենթարկել, եթե քննիչի համոզելու արդյունքում ինքնակամ ներկայացել է»:
Անդրադառնալով գործի շարժառիթին Ա.Հովսեփյանը ասաց.« Ասեմ, որայդշարժառիթներն էական չեն. նախնական վարկածով շարժառիթը կենցաղային է»:
Ինչ վերաբերում է ոստիկանապետին այդ գործի պատճառով ազատելուն, Ա.Հովսեփյանն ասաց.«Ես տեղեկություններ չունեմ, թե ինչո՞ւ է ոստիկանապետը հեռացված:Թե ինչքանով է կապված միջադեպի հետ, չեմ կարող ասել»:
Հովսեփյանը նաև նշեց, որ եթե լրագրողների մասնակցությունը չլիներ գործը չէր պարզվի. «Տուժողները բոլորովին այլ վկայություն են տվել, եղբայրներից մեկը ասել է, որ կամրջից է ընկել, անգամ վկա է բերել, իսկ մյուսը, որ մեքենայի վրա աշխատելիս վնասել է աչքը, և միայն նրանց մոր՝ լրագրողներին տրված հարցազրույցում է մանրամասն ներկայացվել դեպքը»:
Լիլիթ Շաբոյան
