«307մլն 60 հազար դրամը ձևավորվել է ոչ թե հենց 2017 թվականին, այլ 2014 թվականից սկսած տրված և ստացված փոխառությունների հիմքով ձևավորվել է նախ 172մլն 680 հազար դրամը։ Դրանից հետո ձևավորվել է  նաև մնացած գումարը»,- ասաց  Հաբեթ Մարտիրոսյանը։

Ներկայացված բոլոր փաստաթղթերը՝ դրամարկղի և մուտքի օրդերները  ներկայացվեցին հայցվոր կողմին և բնօրինակներով կցվեցին գործին։

Աննա Հարությունյանը գործի քննությունը հետաձգելու միջնորդություն ներկայացրեց, տրված նոր ապացույցները ուսումնասիրելու համար։ Գործի քննությունը միջնորդության բավարարման հիմքով հետաձգվեց։

Գործով հաջորդ նիստը տեղի կունենա  նոյեմբերի 5-ին, ժամը 10։00-ին։

Հիշեցնենք, որ  ՀՀ գլխավոր դատախազության  անունից Ապօրինի ծագում ունեցող գույքի բռնագանձման գործերով վարչությունը 19․01․2024 թվականին հայցադիմում է ներկայացրել ՀՀ հակակոռուպցիոն դատարան՝ Առուշ Գագիկի Առուշանյանից  հօգուտ Հայաստանի Հանրապետության ապօրինի ծագում ունեցող գույքի բռնագանձման պահանջի մասին։

ՀՀ Գլխավոր դատախազությունը պահանջ է ներկայացրել Առուշ Առուշանյանից որպես ապօրինի ծագում ունեցող գույք հօգուտ Հայաստանի Հանրապետության բռնագանձել.
– 253.583.891 ՀՀ դրամի չափով գումար, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել,
– 370.077.000 ՀՀ դրամ՝ որպես ապօրինի ծագում ունեցող եկամտի մնացորդ։