Համայնքային ոստիկանության Սևանի բաժնի ծառայողների բացատրական աշխատանքի հերթական արդյունքը գրանցվեց սեպտեմբերի 22-ին:
Iravaban.net-ը տեղեկանում է ՀՀ ոստիկանությունից:
Ոստիկանության Գեղարքունիքի մարզի օպերատիվ կառավարման կենտրոն զանգահարած քաղաքացին հայտնել էր, որ զենք-զինամթերք է թողել պանթեոնի մուտքի մոտ։
Մեկնած իրավապահները Սևանի քաղաքային պանթեոնի մուտքի մոտ հայտնաբերել են պոլիէթիլենային տոպրակ, որի մեջ կար «Կալաշնիկովի» ինքնաձիգ, մարտական նռնակ` պայթուցիչով, ինքնաձիգի պահեստատուփ, 120 փամփուշտ և այլ զինամթերք։
Հորդորում ենք ապօրինի պահվող զենք-զինամթերքը կամավոր հանձնել ոստիկանություն՝ քրեական պատասխանատվությունից խուսափելու համար:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
