Համայնքային ոստիկանության Աշտարակի բաժնում ստացվել էր օպերատիվ տվյալ, որ Աշտարակի բնակիչ 36-ամյա մի տղամարդ ապօրինի պահում և օգտագործում է թմրանյութ:
Iravaban.net-ը տեղեկանում է ՀՀ ոստիկանությունից:
Սեպտեմբերի 22-ին` ժամը 9.30-ին, նա ձերբակալվեց ու տեղափոխվեց բաժին:
Արագածոտնի մարզային քննչական վարչությունում նախաձեռնվեց քրեական վարույթ, որի շրջանակում կատարված զննությամբ տղամարդուն պատկանող վագոն-տնակում հայտնաբերվեցին մոտ 25 գրամ ընդհանուր քաշով մարիխուանայի նմանվող զանգվածով չորս փաթեթ և կանեփի ցողուններ:
Ըստ նրա` մարիխուանան պատրաստել էր վայրաճ կանեփի:
Նախաքննությամբ հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
