Հունիսի 9-ից ամբողջական կասեցում է ուժի մեջ մտնում հետևյալ երկրների քաղաքացիների համար՝ բոլոր ներգաղթային և ոչ ներգաղթային վիզաների տրամադրման առումով՝ սահմանափակ բացառություններով.

Աֆղանստան, Մյանմա (Բիրմա), Չադ, Կոնգոյի Հանրապետություն, Հասարակածային Գվինեա, Էրիթրեա, Հայիթի, Իրան, Լիբիա, Սոմալի, Սուդան և Եմեն։

Բացառություններ՝

• Որոշ դիվանագիտական և պաշտոնական վիզաներ

• Որոշ անմիջական ազգականների մուտքի վիզաներ (ԱՄՆ քաղաքացիների ամուսիններ, երեխաներ, ծնողներ)

• ԱՄՆ քաղաքացիների կողմից որդեգրում

• Իրանում հետապնդվող էթնիկ և կրոնական փոքրամասնությունների ներգաղթային վիզաներ

• Կրկնակի քաղաքացիություն ունեցողներ, եթե օգտագործում են այն երկրի անձնագիր, որի վրա արգելքը չի տարածվում

• ԱՄՆ կառավարության աշխատակիցների հատուկ ներգաղթային վիզաներ (SIV)

• Աֆղանստանի հատուկ վիզաներ (Afghan SIV)

• Միջազգային նշանակության մարզական միջոցառումների մասնակիցներ

• ԱՄՆ օրինական մշտական բնակիչներ (LPRs)

Մասնակի կասեցում է կիրառվում հետևյալ երկրների քաղաքացիների նկատմամբ՝ միայն որոշ վիզաների համար.

Բուրունդի, Կուբա, Լաոս, Սիեռա Լեոնե, Տոգո, Թուրքմենստան և Վենեսուելա

Կասեցվում է հետևյալ վիզաների տրամադրումը.

• B-1/B-2 այցելության վիզաներ (բիզնես/զբոսաշրջություն)

• F, M և J վիզաներ (ուսանողական և փոխանակման ծրագրերի)

• Բոլոր ներգաղթային վիզաներ՝ նույն սահմանափակ բացառություններով, ինչ վերևում նշված է։

Արտոնյալ դեպքեր.

Պետդեպարտամենտի քարտուղարը կամ նրա ներկայացուցիչը՝ ներքին անվտանգության քարտուղարի հետ համադրությամբ, կարող է որոշել, որ տվյալ անձի մուտքը ԱՄՆ կծառայի ազգային շահերին։ Նմանապես, արդարադատության նախարարն այդպիսի որոշում կարող է կայացնել արդարադատության ոլորտի կարևոր շահերի դեպքում։

Նախագահական հրահանգը տարածվում է միայն այն օտարերկրյա քաղաքացիների վրա, ովքեր.

• 2025թ.-ի հունիսի 9-ի դրությամբ գտնվում են ԱՄՆ-ի սահմաններից դուրս, և

• Չունեն վավեր վիզա այդ օրվա դրությամբ։

Նույնիսկ եթե անձը ԱՄՆ-ից դուրս է, բայց ունի վավեր վիզա մինչև հունիսի 9-ը, ապա նա չի ընկնում հրահանգի տակ։ Հունիսի 9-ից առաջ տրամադրված որևէ վիզա չի չեղարկվել և չի չեղարկվելու այս հրահանգով։