Ազգային ժողովի անկախ պատգամավոր Թագուհի Թովմասյանը հայտարարեց, որ իր ձայնի իրավունքը զիջում է հասարակական-քաղաքական գործիչ Էդգար Ղազարյանին։
«Մարդ, որի խոսքի ազատությունը սահմանափակված է դատարանի վճռով, իսկ ի՞նչ է տեղի ունեցել․ Էդգար Ղազարյանը քննադատել է հայ-ադրբեջանական սահմանային հանձնաժողովի կանոնակարգի քննարկման և ընդունման ընթացակարգը և այդ ընթացքում հնչեցրել է կոնկրետ քաղաքական գնահատականներ։ Եվ ահա, Վահե Գրիգորյանը որոշել է, որ ամիսներ հետո պետք է դիմի դատարան և արգելի, որպեսզի Էդգար Ղազարյանը խոսի իր մասին, քննիչների մասին, դատավորների մասին։ Աբսուրդ մի որոշում, որը նշանակում է, որ Վահե Գրիգորյանը, որը գնացել է Ստրասբուրգ, Հայաստանում լռեցրել է ազատ խոսքը։ Նա իրավիճակ է ձևավորել, որի արդյունքում քաղաքական բռնաճնշումներ են իրականացվում, քաղաքական գործչի նկատմամբ»,-նշեց պատգամավորը։
Թագուգի Թովմասյանի ելույթից հետո նիստերի դահլիճից ռեպլիկ հնչեց, որի նա արձագանքեց․ «Լռե՛ք, հա»։
ԱԺ նախագահ Ալեն Սիմոնյանը դիմեց նրան ասելով՝ ինչի՞ եք ագրեսիվ, երեխաներ կան նստած։
Մանրամասները՝ տեսանյութում։
