Արսեն Սարգսյանը նկարում է փոքր տարիքից, ասում է՝ իրեն ինչ հիշում է՝ նկարում է։ Փոքր տարիքում նկարել սկսել է խմբակներից, իսկ հիմա սովորում է Գեղարվեստի ակադեմիայում։ Նկարելու հստակ ոճ չի ընտրել․ համադրում է աբստրակտ և ռեալիստական ոճերը։
«Նկարելիս ավելի շատ մտածում եմ կյանքի մասին, վերջում տեսնում եմ՝ նկարն իմ մտքերի հետ կապ ունի»,- ասում է նկարիչը։
Արսենի նկարներում շատ են շենքերը։ Իր խոսքով՝ նկարում է հին ու նոր քաղաքները։
«Նկարում եմ հին քաղաքի ոճային տեսքը, իսկ նոր քաղաքներն ավելի մոդերն են, բայց իրենց մեջ արվեստը չկա»,- պատմում է նա և ավելացնում, որ իր նկարներով մարդկանց ուզում է ցույց տալ արվեստը կառույցների, շենքերի նկատմամբ։
Նկարում է նաև հայրենիքի մասին։ Ասում է՝ երբ մարդ լքում է իր բնօրրանը, այնտեղ բնությունը փորձում է իշխել մարդուն։
Մանրամասները՝ տեսանյությում։
