Պոլիտեխնիկում շուտով կմերկնարկի թվով չորրորդ 150 կՎտ դրվածքային հզորությամբ արևային ֆոտոէլեկտրական կայանի կառուցման աշխատանքները: Այս մասին հայտնում է Հայաստանի ազգային պոլիտեխնիկական համալսարանի ռեկտոր Գոռ Վարդանյանը։
«Կայանը կառուցվելու է 9-րդ մասնաշենքի տանիքին:
Մենք շարունակում ենք մեր կանաչ էներգիայի և կայուն զարգացման ուղղությամբ իրականացվող քայլերը՝ կառուցելով ավելի մեծ և հզոր արևային կայաններ: Այս նախագիծը ևս մեկ նշանակալի ներդրում է՝ նպաստելով վերականգնվող էներգիայի խթանմանը և մեր ուսանողների մասնագիտական կիրառական հմտությունների զարգացմանը:
Արդյունքում Պոլիտեխնիկը կունենա տարեկան միջինում 10.300.000 ՀՀ դրամի խնայողություն և 100 տոննայով կնվազեցնի CO2 գազի արտանետումը դեպի շրջակա միջավայր:
Կայանը կառուցվում է R2E2-Հայաստանի վերականգնվող էներգետիկայի և էներգախնայողության հիմնադրամի աջակացությամբ»,-նշել է նա:
