Մայիսի 23-ին Ադրբեջանի նախագահ Իլհամ Ալիևն ընդունել է ԵԱՀԿ Խորհրդարանական վեհաժողովի նախագահ Մարգարետա Սեդերֆելտին։
Այս մասին հայտնում է պետության ղեկավարի մամուլի ծառայությունը։
Մարգարետա Սեդերֆելտը հետաքրքրվել է խաղաղության օրակարգով։
«Ադրբեջանն աջակցում է իր կողմից ներկայացված 5 սկզբունքներով խաղաղության պայմանագրի ստորագրմանը, մասնավորապես՝ պետությունների տարածքային ամբողջականության և ինքնիշխանության փոխադարձ ճանաչման հիման վրա»,-ասել է Ալիևը։
Երկրի ղեկավարը նշել է, որ Ադրբեջանը, Վրաստանը և Հայաստանը մեկ հարթակի վրա միավորելու և Հարավային Կովկասի ինտեգրված մոդել ստեղծելու նախաձեռնությունն առաջ է քաշել Ադրբեջանը։
Հանդիպմանը քննարկվել են նաև տրանսպորտային և հաղորդակցման գծերի բացմանը վերաբերող հարցեր։
