Չնայած, որ այս պահի դրությամբ 120 հազարից ավելի քաղաքացի փաստացի շրջափակված գերության մեջ է, բայց Արցախը միասնական է, վճռական՝ ապրելու իր հողում, իր հայրենիքում: Արցախը երբեք չի լինի Ադրբեջանի կազմում, ֆեյսբուքյան իր էջում գրել է ԱԺ պատգամավոր Թագուհի Թովմասյանը։
«Այսօր առավոտյան 10:30-ից Հայաստանն Արցախին կապող միակ ճանապարհը փակ է Ադրբեջանի կողմից:
Շարունակական կապի մեջ եմ Արցախի իշխանությունների, Մարդու իրավունքների պաշտպանի, ճանապարհին մնացած հայաստանցի և արցախցի մեր հայրենակիցների հետ:
Քիչ առաջ Արցախի Ազգային ժողովի նախագահ Արթուր Թովմասյանի հետ կրկին խոսեցի, ով վստահեցրեց, որ անզիջում են և Ադրբեջանի որեւէ պահանջ չեն կատարելու: Չնայած, որ այս պահի դրությամբ 120 հազարից ավելի քաղաքացի փաստացի շրջափակված գերության մեջ է, բայց Արցախը միասնական է, վճռական՝ ապրելու իր հողում, իր հայրենիքում:
Արցախը երբեք չի լինի Ադրբեջանի կազմում»,- գրել է Թովմասյանը։
