ԱՄՆ նախագահ Ջո Բայդենը վեց տարվա ընդմիջումից հետո վերսկսել է Սպիտակ տան թղթակիցների հետ ընթրիքին ելույթ ունենալու ավանդույթը, ծիծաղել իր պատկառելի տարիքի և վարկանիշի վրա, հարգել Ուկրաինայում զոհված լրագրողների հիշատակը և բաժակ բարձրացնել խոսքի ազատության համար: Այս մասին հայտնում է «ՌԻԱ Նովոստին»:
Մասնագիտական մրցանակների հանձնմամբ և գործընկերների հասցեին ընկերական կատակով արարողությունը Վաշինգտոնի հյուրանոցներից մեկի հանդիսությունների սրահում հավաքել է 2,6 հազար մարդ, բոլորն անցել են կորոնավիրուսի թեստ։
Սպիտակ տան մամուլի ասոցիացիայի ճաշկերույթներին ելույթ ունենալու ավանդույթը սկիզբ է առել 1924 թվականից՝ նախագահ Քելվին Քուլիջի օրոք:
«Ես նոր էի ընտրվել Սենատի անդամ, հիշում եմ, որ նրան ասացի. ամեն ինչ լավ կլինի, փոքրիկս»,- կատակել է Բայդենը։
Վերջին վեց տարիներին ճաշկերույթները կա՛մ չեն կազմակերպվել, կա՛մ պետության առաջին դեմքը ներկա չի գտնվել դրանց։
«Դա հասկանալի է: Մենք ունեինք սարսափելի վարակ, այնուհետև ևս երկու տարի կորոնավիրուս»,- ասել է նախագահը:
