14 տարի անց «Մարտի 1»-ի գործով արդարացվեց Շվեդիայի Թագավորությունում, Դանիայի Թագավորությունում, Նորվեգիայի Թագավորությունում ՀՀ արտակարգ և լիազոր դեսպան Ալեքսանդր Արզումանյանը և Երկրապահ կամավորականների միության վարչության նախագահ Սասուն Միքայելյանը։
Վճռաբեկ դատարանը քիչ առաջ ճանաչեց նրանց անմեղությունը առաջադրված մեղադրանքներում՝ հանցակազմի բացակայության հիմքով։
Արզումանյանը 2009-ին մեղավոր էր ճանաչվել զանգվածային անկարգություններ կազմակերպելու համար և դատապարտվել հինգ տարվա ազատազրկման:
Միքայելյանը 2008 թվականի մարտի 4-ին Ազգային ժողովի համաձայնությամբ՝ ներգրավվել էր որպես մեղադրյալ «Մարտի 1-ի» գործով և կալանավորվել էր։ Դատապարտվել է 7 տարվա ազատազրկման։ 2011 թվականին համաներմամբ ազատ է արձակվել։
