Սույն թվականի դեկտեմբերի 24-ին ՀՀ Ազգային ժողովի Պաշտպանության և անվտանգության հարցերի մշտական հանձնաժողովում տեղի է ունեցել աշխատանքային քննարկում «Փրկարար ծառայության մասին» ՀՀ օրենքի վերաբերյալ: Վերջինս խմբագրվել է ՀՀ Արտակարգ իրավիճակների նախարարության Փրկարար ծառայության կողմից, և քննարկվել Հանձնաժողովի փորձագիտական խմբի հետ:
Այս մասին հայտնում են «Քաղաքացիական պայմանագիր» կուսակցությունից։
Օրենքում առկա որոշակի իրավակարգավորումներ խնդրահարույց են և անհամատեղելի փրկարարական ծառայության առանձնահատկությունների հետ:
Առկա բացերը և հակասությունները գործնականում հանգեցնում են մի շարք խնդիրների, որոնք պահանջում են հրատապ լուծումներ:
Օրենքի նախագծով կհստակեցվի` Փրկարար ծառայության կարգավիճակը, լիազորությունները, փրկարարական ծառայողների պաշտոնի նշանակման կարգը, պայմանները և աշխատանքային փորձի չափանիշները, ծառայության անցնելու մրցութային կարգը, կադրային քաղաքականության իրականացման հետ կապված մի շարք հարցեր, էթիկայի հանձնաժողովի և բարեվարքության հարցերով կազմակերպչի ինստիտուտները, ինչպես նաև Նախարարության ուսումնական հաստատությունում ուսուցման հետ կապված իրավակարգավորումները:
